مابي حياتي دامه يقول" مابيك "
يدري بظلم الناس يدري و"ظلمني"
واكد كلام اللي يقولون" ناسيك"
لكن قبل لاتاخذ "الروح" مني
باسأل حبيبي كم سؤال و"اخاويك"
وشلون قلبك ياحبيبي "تركني"
وتدري بخفوقي كم له سنين "هاويك"
وماتدري بعادك وصدك "ذبحني"
وما تدري عن دمع نثرته وانا "ارجيك"
اسال جميع الناس وش صار"في"
اسال وش اللي صار في حال "مغليك"
لو عاش عاقل عيشتي كان "جن"
حالي لو تشوفه بعينك "يبكيك "
لوعلموك وش كثر"همي" و"حزني"
من يوم حبي لك انتهى وصار "ماضيك "
لو علموك عن قلبي اللي" يوني"
مطعون يصرخ يشتكيلك "يناديك "
صار الحزن هو لعبتي صار "فني"
ابكي ندم والله الى لاحل "طاريك "
"ضيقت صدر" ويا "الهموم" "اسكنتني"
احكي واكمل ولا ماقلت "يكفيك"
اللي سمعته بسبتك انت" جنني"
عطيتني كرهك وانا الحب "معطيك"
ضاعت سنيني وانا بالحب "ابني"
قصوور وانهدت سبب "فعلت ايديك"
جاك الوفا والحب والعشق "مني"
حتى الوله والشوق والصدق "مهديك "
قلبي "وفالك" وانت قلبك "خدعني"
خدعت قلب كان بالحب "شاريك"
بكذب وخيانه وغدر قلبك "حضني"
في وقت قلبي فيه يسهر "يداريك"
ماكنت أظن قصدك بحبك "تذلني"
ذليتني من بعد مامت انا "فيك "
هذي حقيقة بعض مامنك "جتني"
وبعض اللذي اسقيتني سم "با ايديك "
"ماكنت ساكته لاني خايفه بس لاني"
ميته بحبك ما أقدر ازعلك واشقيك
حرّمت اقولك من "محبتك عطني"
مادام غيري في" محبته مرضيك"
ببعد بعيد واوعدك "ما احن"
ابشر اببعد ومع حبيبك "بخليك"
وابي مماتي ياخذ الروح مني
"تاركلك الدنيا "بها الله يهنيك
واذا سألك في يوم اي انسان "عني"
قله توفى والسبب طعن "بيديك" ****
موضوع: مابي حياتي 
الخميس مايو 19, 2011 7:29 pm
